آخر الأخبار

القراء يكتبون

برج مهجور في طريق منزل شاكر يتحول الى مقر لاجتماع المنحرفين فهل تتحرك دورية الحرس الوطني؟

18:33

سيدي الكريم السلام عليكم
نتكلم باسم جميع سكان نهج سيدي خليفة الطياري زنقة سبيطلة الكائنة بطريق منزل شاكر كم 6.5
فما برج مهجور عندو سنين كل ليلة تتلمد فيه مجموعة من المنحرفين و أصحاب السوابق العدلية أنواع و أشكال كل مرة جماعة و كينهم مقسمينها كل ليلة مجموعة : شرب سكر زطلة غنا عياط سب جلالة عرك و معروك كلام زايد على مسمع لكبير و صغير و الحاج و الحاجة ميقدرو حد
لهذا لحد وصلنا لتسيب الأمني؟ و أنا متأكد للمشكلة هذي يعانييو منها برشة عباد كيفنا ظاهرة طغت في صفاقس
كيفاش باش نحاربو الإجرام إذا كان الأمن ميتصداش لمثل هذه المظاهر و أنا متأكد إنو الأمن يعرفهم المناطق هذم
رجاء لفتة صغيرة منكم حول هذا الموضوع فمشي مالحرس الوطني بما أن المنطقة تابعتو يتحرك و يعمل دورية ليلية نشالله حتى مريرة في الجمعة يزي فيه البركة
ولاهي فدينا و ملينا مالوضع و طالت المدة كرهونا في المرواح لديارنا
في عز الصيف لواحد يتلز إسكر شبابك دارو باش ميسمعش الكلام البذئ
و لكم جزيل الشكر علي تعملو فيه من أجل هذه المدينة



nos sponsors