آخر الأخبار

الرأي الآخر

تكبير … وصلت سيارة مُنير … بقلم : رشيد الكرّاي

18:30

سي منير شرى سيارة *** من فلوس الخروبة والجزارة
شماتة في الناس الكل *** خدّام ودافع جباية ونبّارة
صفاقس دارها حومة وحارة*** نظافة وتعبيد وإنارة
وداوى مشاكلها الكل *** تبرورة وسياب وحفّارة
وبحرها صبح كيف الجنّة***عوم وصيد بالصنّارة
وباش يتلهى باللّي بقى***قهاوي وكيّاسات وخمّارة
وهكّة ينفّذ تعليمات *** سيدو الشيخ الأمّارة
آش تزيد عليه سعاد*** شيخة تونس الجارة
بلايك تتبدّل وتتعاود*** لا حشمة لا راي ولا دبارة
واللّي ما عجبوش الحال*** يرمي من يدو الحجارة
نهضة ونداء عطاووه***منصب يعرف قيمته وكاره
ومجلس بلدي زادو تفويض***يشري بيه حتى طيّارة
يا ولاد صفاقس قولولي***ضاعت عليّ العبارة
الحكاية كبرت وزادت*** موش حديث وراء الستارة
وإذا ما نطقتوش اليوم *** حبل باش يجري ع الجرّارة
لومي موش على منير ***وكرهبتو الجديدة وسيقاره
عليكم إنتم نساء ورجال***تكشفوا عمايلو وأسراره
صيحوا بوجهو الناس الكل*** رجّع فلوس السيارة


آخر الأخبار


nos sponsors