آخر الأخبار

الرأي الآخر

رسالة الجمعية النسائية بصفاقس وساقية الزيت للهيئة المديرة للنادي الصفاقسي

11:30

الكورة موش كان فلوس ، الكورة رجلة وعطاء وحب للمريول ، ميزانية الساقية والجمعية النسائية لا تتجاوز عقد لاعب احتياطي في النادي الصفاقسي لكن بالتعويل على ابناء الجمعية والتركيز على العمل القاعدي وحب المريول والجهة نجموا نعملوا المستحيل ، رؤساء الجمعيتين تحسهم لاعب من جملة اللاعبين في وسطهم ومنهم وقراب منهم ما يلوجوش على منصات ومظاهر ، قراب من اولادهم وبناتهم حتى في الفترات الصعبة من المباراة ، بالحق المال قوام الاعمال لكن الفلوس وحدها ما تعمل شي في ظل انتدابات بودورو واغلبها تمعش من الملاعبي ومن الشخص الي جابو ، لازم نخلق عائلة قبل ما نصنع فريق ، لازم نعول على اولاد النادي وندعمهم باي يعاونهم موش يتمعش من النادي ، لازم الاهتمام بالصغار و مراقبة العمل والقضاء على المحسوبية واللعب بالاكتاف وللي بوه يدفع اكثر ويقفف اكثر وهذا واقع ما ننكروهش وما نجموش نخبيوه ، ربح اليوم على فرق كبيرة مثل الافريقي والترجي دليل انها الفلوس وحدها ما تعمل شي والرسالة مضمونة الوصول لهيئة النادي الصفاقسي والسيد المنصف خماخم …
ياسين الرباعي


آخر الأخبار


nos sponsors