آخر الأخبار

مشاكل الناس

رسالة من تلميذة إلى وزير التربية : رانا تعبنا وفدينا وقلقنا

17:30

“أنا تلميذة و نطلب باش ما تظهروليش اسمي و توصلولي صوتي
إلى كل من يتخذ القرارات بوزارة التربية:
رانا تعبنا و فدينا و قلقنا كنا لاباس علينا التلامذة الكل عايشين نلعبو و نقراو على رواحنا في نفس الوقت نعديو في فروض مراقبة و آخر كل ثلاثية نعديو فروض تأليفية على مدى أسبوعين الأسبوع المفتوح و الأسبوع المغلق …
يجي السيد الوزير في السنة الدراسية 2015/2016 لا طاح لا دزّوه يقلك ما فماش أسبوع مغلق . عديناها ثلاثية متعبة برشا تحبلها خدمة جيش
من بعد ما ظهرلوش عمل إدماج للثلاثيتين الثانية و الثالثة و ردهم سداسية و نرمال المهم أسبوع مغلق لا .
جانا في السنة الدراسية 2016/2017 و يردها نظام سداسي و 2 فروض مراقبة في كل مادة و فرض تأليفي في أخر السداسية
علاه ياخي أحنا des appareils ؟؟ ولا فئران تجارب؟؟
تي راهو وصلنا نعديو فرد فترة فرض المراقبة 1 في مادة و الفرض 2 في مادة أخرى و من بعد كيف لقا هالنظام ما مشاش مشى ردهم فرض مراقبة واحد و فرض تأليفي طالبنا برجوع النظام الثلاثي ما سمعنا حد و كي سألنا علاه ما يرجعوهش كيف ما كان ياخي هكا كانت الإجابة من بعض المسؤولين في المعهد ” تونس كانت تشارك في مسابقات عربية و كانت تجي من الاوائل و توا ولات حتى من السودان غلبتنا و كي حللناها نلقاوها من النظام الثلاثي” معناها ماهيش بالكل من البرامج الطويلة و من بعض الدروس التافهة إلي نعاودو فيها كل عام و ماهيش مالوقت الضائع في ترجمة ما قريناه في الإعدادي من العربية إلى الفرنسية تي حتى كان جاء فما اصلاح من جهة أخرى نقولو باهي
و خلي و اسكت على هاكا العطل كيفاش قلبهم الطلبة و التلامذة موش فرد عطلة معناها العائلات الي عندهم صغار تقرا في الثانوي و الاخرين في الجامعة يشدوا الدار و يقعدو موش لازم يتفرهدو ولا الكوبل كي يكونو أساتذة و واحد منهم أستاذ تعليم ثانوي و لاخر جامعي كل واحد يتفرهد على روحو وحدو خير.
و السنة الدراسية هذي 2017/2018 زادو طوروها و ما عطاوناش عطل عطاونا des périodes de révision معناها العطلة الي نحسابوها أحنا عطلة يطلعلك بعدها 3 أسابيع و انت تعدي في الفروض
و من بعد تجي عطلة باسبوعين قصدي période de révision باسبوعين و تعدي الفروض التاليفية
يا عباد راهي العطلة في جميع انحاء العالم للراحة موش للمراجعة راهي العطلة تجي بعد الدفوارات باش ترتاح و تنحي stress و ترجع في فورمة موش تعدي و ترجع تقرا ديراكت حتى كان جينا نعديو في أسبوع مغلق”!!!!



nos sponsors