آخر الأخبار

مشاكل الناس

رسالة من مواطنة الى وزيرة الصحة

12:00

بربي يا سيدة الوزيرة تلفت شوية لمستشفى الاطفال تو معقول زوز صغار في فرش واحد الصغير يقعد مطيش ليلة كاملة ميجيه حد ميتفقدو حتى الإطار شبه طبي يكش و ينش كان عطيت حويجة هام سلكتها كان معطيتش يمرمدوك كيف ما يحبو ولدس هزيتو خدم قدامهم وهوما يخزرو الماكينات مكسرة طبة موش فاهمين حتى شي تي خزرولو من بعيد لبعيد معداوش عليه حتى بالكذب طيشوه في الفرش و يوم الغد قالولي روح بيه لباس عليه منحكيش على الوسخ وقلة النظافة سبيطار ميصلحش للحيوانات خلى للعباد انا ريت مهزلة قدام عيني ونتسمى سلكتها خاطر عطيت الفلوس للفرملي والفرملية اما الي معندوش شنوة يعمل بربي يا سيدة الوزيرة اخرج من بيروك وتحرك شوية راهو في وقت بن على الحالة كانت ارحم برشة راني عديت ليلة ريت فيها العجب لا قالولي لا سمعت شفت بعيني وين وصلت تونس الخضراء.
مواطنة ملتاعة



nos sponsors