آخر الأخبار

مايدْ اينْ سفاكسْ

إبتسم مع الشيخ علي غربال : في صفاقس عندنا تنمية تنطق الحجر؟

19:00

– خويا بربي باب الجبلي منين؟
– ريت النهج هذا، تمشي فيه طول طول لين تعرضك الصنبة الأولى، ما تدورش معاها، تكمل في الطويل، تعرضك صنبة أخرى، تدور معاها ع اليسارـ تمشي شوية تلقى هاك الليسي اللي بناتو فرانسا، تاخو الدورة الأولى لا الثانية ع اليمين، يعرضك مدفع قديم مدهون بالدهن متاع الفروشات، تعديه، تلقى الستاد اللي بناتو فرانسا واللي باش يحطو فيه سنمبورة لامعة قالوا عليها باش يجيبوها من عام 13 وتو خرجت م الصين وما حبتش تجي يديها فارغة تعدات تجيب لنا شوية كادوات من باريس، وأوكا جماعة البلدية طالعين يونسوها في باريس، من بعد تزيد تكمل ي الطويل، تلقى زوز صنبات أخرين، تتعدى بيناتهم، وتزيد 100 م، تلقى صنبة أخرى، ماو صفاقس ولات كي فيلم الرسالة، كي تخلط للصمبة السادسة اسألها تو توريك…
– كيفاش نسأل صنبة ياخي تتمسخر علي؟
– ماو حتى أحنا في صفاقس عندنا تنمية تنطق الحجر
علي غربال


آخر الأخبار


nos sponsors