مهاترات صائم : عبير واطلانطس وكابوس اول يوم في رمضان

يا سيدي كل عام وانتم بخير ورمضانكم مبروك… موش اليوم قمت مفجوع ومرعوب ؟

اي سيدي في السحور وفيتلها شوية على اساس ما نجوعش وما نعطشش ورقدت وتمدّيت نمني في نفسي نقوم مع نصف النهار… وانا في غريق النوم حلمت بعبير موسي وهي تحوّس في جزيرة اطلانطس وشادتني من خناقي وتعدّي في اللايف وتعيط شوفوا يا توانسا هالمخلوق حتى هربت منو لحق علي لاطلانطس وفسدلي شيختي وانا كنت شايخة زنس شيخة ما تحلموش بيها…. وبدات تهز في وتنفض وانا نعيط…. والحمد لله فقت على حس المرا تعيّط شبيك يا راجل عرقك شرتلّة وشكون هذي عبير حتى في رمضان ماكش رايض ؟ وقتها تهنيت وبرّ عاد كيفاش ماشي نقنعها بالحكاية وانو مجرد كابوس… المهم سيبتني وقالتلي كمل ارقد وبعد شقان الفطر نتحاسبو… ربي يستر واكهو.

حافظ