هل نتعاطف مع الفاسدين وناهبي المال العام؟…فتحي الجموسي

هل نتعاطف مع الفاسدين وناهبي المال العام؟…فتحي الجموسي

20 أكتوبر، 20:45

برشة من صحابي و زملائي لاعبينها إنسانيين وعاطفيين وقمة في الحنان أكثر من اللازم.برشة منهم متعاطفين مع نبيل القروي ومع مهدي بن غربية وسيف مخلوف المسجونين أو الموقوفين ظلما حسب رايهم.

صحيح الشماتة والتشفي حاجة خايبة برشة لكن بربي يا صحابي و يا زملائي العزاز على قلبي إذا كان نبيل القروي المشدود بالكمشة في ملفات الفساد واللوبيات وتبييض الأموال نظيف، وإذا كان مهدي بن غربية ثروتو شرعية والقاصي والداني يعرف كيفاش كونها مع الطرابلسية على حساب التهريب والتهرب من المعاليم الجبائية ويعرف كيفاش تضاعفت ثروتو بعد ثورة الياسمين من غير ما يكون عندو مصنع أو فلاحة كبيرة ، وإذا كان سيف مخلوف مظلوم وكلنا شفنا كيفاش يعربد ويضرب ويهدد ويشجع ويهرب في الارهابيين من المطار وكيفاش يحمل في السلاح مع فجر ليبيا.

بربي قولولي شكون الفاسد إلي فرغ خزائن الدولة ودمر اقتصادها بالتهريب وبالصفقات الفاسدة؟وشكون الإرهابي إلي حمى الإرهابيين وكون روابط حماية الثورة باش يسحلوا ويغتالوا لطفي نقض و بلعيد والبراهمي وباش يذبحوا السياح والجيش والأمنيين والمواطنين؟الأشباح مثلا و إلا جماعة من تحت بإسم الله؟الحقيقة يا صحابي ويا زملائي دفاعكم على الجماعة هاذم وأمثالهم لاهو إنسانية ولاهو حنية، أنا نعرف وانتم تعرفوا انو سبب دفاعكم على الأشكال هاذي هو فقط أنكم متمعشين منهم ومن جو الفساد إلي خلقوه في البلاد بطريقة أو بأخرى.

وللحديث بقية….

مواضيع ذات صلة