دكتور بوقيرة يحمل الدولة مسؤولية وفاة الطفلة اسلام بكورونا

دكتور بوقيرة يحمل الدولة مسؤولية وفاة الطفلة اسلام بكورونا

17 جانفي، 13:45

كتب الطبيب زكرياء بوقيرة حول وفاة الطفلة اسلام اثر اصابتها بفيروس كورونا وحمل الدولة مسؤولية مفارقتها الحياة في عمر الزهور :

اسلام طفلة عمرها 13 سنة اسلام مازالت كي دخلت تقرى في الكولاج عام لتالي مازالت تلعب مع الصغار في المكتب اسلام كان عندها مستقبل كبير مليء بالفرحة والبهجة والحب اسلام مازالت كانت عندها ما تشوف في الدنيا هذه بباهيها وبخايبها اسلام كانت عندها اصحاب يحبوها ووالدين يعشقوها اسلام فكوها من اهلها وناسها اسلام ماتت وقت بدات تحل عينيها في الدنيا اسلام ماتت جراء هذه الدولة القاتلة اسلام ماتت خاطر الي يسميو في رواحهم علماء ولاو يخدمو صناع عند السلطة وعبثو بالعلم وبالطب اسلام ماتت خاطر الي يحكم في الدولة خلا الفيروس يدخللنا من الحدود وبعد خلاه ينتشر في المجتمع اسلام ماتت جراء مسؤولين يشوفو فينا أرقام اما اسلام موش رقم اسلام نوارة فقدتها تونس بكلها ومال الدنيا الكل ما يرجعهاش ما نجمش نتصور وجيعة والديها ما نجمش نستوعب القهر والظلم الي يحسو فيه حرام الي صار في البنوتة هذه حرام الي صاير فينا الكل كشعب هذه موش دولة الله يرحمها وربي يصبر أهلها اكهو يزي يزي ما قتلتونا ارحمونا رانا طالبين نعيشو اكهو للدرجة هذه ما عنكمش قلب؟للدرجة هذه ما تحسوش؟للدرجة هذه نتوما وحوش؟

مواضيع ذات صلة