صفاقس: خلاص الخطايا يثير حالة احتقان لدى المخالفين

حالة احتقان وغليان في صفوف العديد من أصحاب السيارات بسبب الخطايا. فمنذ مدة صار أعوان المرور يعتمدون اللوحات الرقمية لتسجيل الخطايا ويبدو ان سوء التنسيق مع القباضة وسوء التغطية” الريزو مفماش” جعل البعض يتكبد خلاص خطية مضاعفة رغما عن أنفه بسبب عدم وجود الخطية في انظمة القباضة في آجالها وقد تداول العديد من نشطاء الفايس بوك لهذه الظاهرة كما يبينه النص التالي:

“شرطة المرور منذ أن سلموهم اللوحات الأكترونية صاروا قابلينها بالياطاش … وين ما تمشي تلقاهم … يلقاولك سبة باش يخطيوك 60 د … يعطيوك ورقة أشبه ما يكون تيكي متاع كاسة مبلحة ما تتقراش … ويقول لك عندك نصف شهر باش تخلصها في القباضة … أنت تقول نمشي نخلصها قبل ما ننساها … تمشي للقباضة بعد نهار … تشد الصف … يجي دورك … تعطي الورقة … يضرب ع السيستام … يقول لك لا هاذي ما تنجمش تخلصها خاطرها ما زالت ما هبطتش ع السيستام … ترجع بعد نهارين … تلقاها مازالت ما هبطتش ع السيستام … في الآخر تنساها … وتولي لك دوبل … والمرة اللي من بعدها يعاودو يوقفوك شرطة المرور … يعديوك ع اللوحة الألكترونية … يقولوا لك عندك خطية بـ 120 د موش خالصة … يفكوا لك البرمي ويزيدو يسخطوك بخطية أخرى ع الخطية اللي موش خالصة … من غدوة تمشي للقباضة … يقولوا لك الـ120 د تنجم تخلصها … أما الخطية الجديدة مازالت ما هبطتش ع السيستام … تخلص 120 د … وتمشي باش ترجع البرمي … وهكذا دواليك …

اللوحة الألكترونية: عندك ريزو؟ … والله شيء ..”

نرجو أن يتم تدارك الامر سريعا او العودة للمنظومة القديمة في تسجيل الخطايا.

هاجر بن عمر